कुरा तिम्रा ठिकै लागे, सहमति जनाउँला न !
चित्त अलि नबुझेमा, बरु टाउको कनाउँला न !
बेग्लाबेग्लै बाटो हुँदै, एकै ठाउँमा जोडीएछौँ
अब हात समाइ हिड्ने, बाटो एउटै बनाउँला न !
सानोतिनो भुल हुँदा, लायौ भने घुर्की पनि
आफ्नो कान आँफैं समाइ, तिमीलाई मनाउँला न !
कति खोज्छौ प्रेम मात, तनले मनले तृप्त हुन
अंग अंग खोजी गरी, मधुरस खनाउँला न !
रचना: अनुराग 'अनुरागी मन'
रचना मिति : नोभेम्बर ३, २०१०, दक्षिण कोरिया
No comments:
Post a Comment