गजल: चोटको पीडा गहिरो कति नापेर सकिन- अनुराग 'अनुरागी मन'

चोटको पीडा गहिरो कति नापेर सकिन
बगेका सारा अश्रुका धारा थापेर सकिन

देखिन्छ जसै भित्रको बिम्ब बाहिर दुरुस्तै
बेदना छोप्न हाँसोका पत्र खापेर सकिन

न्यानोमा थियो प्रेमको तृण उम्रिंदा शुरुमा
हुर्किंदै जाँदा आगो भै'दियो तापेर सकिन

दीगन्त बन्ला लेखान्त मेरो प्रेमको नमूना
भ्रममा फस्यो अभागी मसी छापेर सकिन


रचना: अनुराग 'अनुरागी मन'
रचना मिति : जनवरी १५, २०११, दक्षिण कोरिया