चाल पाएँ मेरो लागि, तिम्रो दिलमा बासै छैन
मोह भङ्ग भयो तिम्रो, लाग्छ ममा चासै छैन
हावादारी चिप्लो बोलि, लहनाको बिच परि
बतासियौ बेग मारी, फर्की आउने आशै छैन
मौन बस्छन ओठ पनि, रित्तो अझै मस्तिष्क भो
जसोतसो बोलि फुट्ला, बुझ्ने खालको भाषै छैन
साथ हुँदा जति जिएँ, तिम्रो मीठो स्वास साटी
आजकल त पलपलको, प्राण भर्ने सासै छैन
जन्ममृत्यु हातमा छैन, दैब इच्छा बाँचे पनि
तिमीबिना यो जिन्दगि, जिउने इच्छा खासै छैन
चाल पाएँ मेरो लागि, तिम्रो दिलमा बासै छैन
मोह भङ्ग भयो तिम्रो, लाग्छ ममा चासै छैन
रचना: अनुराग 'अनुरागी मन'
रचना मिति : नोभेम्बर २५, २०१०, दक्षिण कोरिया
No comments:
Post a Comment