गजल: तिमी हाँस न भन्छ्यौ- अनुराग 'अनुरागी मन'

तिमी हाँस न भन्छ्यौ, खै हाँस्ने कसरी ?
माया गाँस्न चाहन्छौ, खै गाँस्ने कसरी ?

मैले मायामा धेरै, धोका देखेको छु,
नियत ठिक छ छैन, खै जाँच्ने कसरी ?

प्रीति फक्रेर फुल्न, विश्वास चाहिन्छ,
तर शंकाको बीउलाई, खै मास्ने कसरी ?

अति गाढा सम्बन्ध, टुटेका पनि छन्,
युगौं नछुट्ने गरि, खै टाँस्ने कसरी ?

दिल जोडे नि गाह्रो, नजोडे झन साह्रो,
यो दोधारमा जीवन, खै बाँच्ने कसरी ?


रचना: अनुराग 'अनुरागी मन'
रचना मिति : नोभेम्बर २०, २०१०, दक्षिण कोरिया